身家由-10萬到現在300萬...的分享

為方便閱讀---合訂本:

自08年開始我已經有玩下牛熊, 開始時好似大部份人一樣, 嬴多輸少, 以為自己好勁, 掂啦, 仲唔發達, 結果一訓身就輸到PK...

之後就上網周圍睇下人地D討論,BLOG, 找貼士, 又學下所謂既技術分析...RSI, MACD, STC....識少少又以為自己好掂, 點知一落場又係輸多嬴小...

咁點好呢...停玩左一排, 到又有少少錢, 又來過, 結果...唉...

之後聽人講話期指公平好多, 又睇雜誌見到有間行叫一X話5元一個TRADE, 好抵喎, 就走左去開戶, 其實係貪佢可以一個ACC可以炒股炒期, 唔洗左轉右轉...

又經過一輪上網, 找貼士, 掂啦, 又輸, 又有少少錢, 又來過, 又輸....如是者經過N次...

食飯先,...待續...

之後去到10年, 期間輸到阿媽都唔認得, 又試過問銀行借錢, 又要卡冚卡...成日有個心態, 就係我輸得起, 我有的是時間, 我有的是青春, 只要有一次嬴, 我就可以番身...輸左最多咪做多幾年野....唉...結果...

結果...唔知點解, 之後走左去學人炒外匯炒金,..嘩! 一日可炒23小時, 正....呵呵, 仲大獲,輸到PPK
但期間學識左好多野, 係睇書或上堂都學唔到的...

轉來轉去, 又返來期指這個平台, 有人問我點解我唔玩股票, 我話因為好煩, 又要簡股, 又要分析, 資金又要多, 但又賺得幾個巴仙, 最重要係有上無落, 無得PUT...咁牛熊又點呢? 嘩, 咁唔公平既野, 你玩埋我果份啦, 牛熊個價真係任佢開的, 又有溢價, 又有利息, 又會打巴...

炒過外匯既人多數會識睇圖識技術分析, 我就係從中學識的, 唔係paper trade, 係用真錢, 下下到肉果隻, 結果我靜思了半年, 只玩期指DT, 開市就開工, 收市就收工, 收工後咩都唔睇, 個人輕鬆左好多...煙都食少左...
跟住我開始用2萬蚊由細期做起, 正如學車第一樣要識既係識停車, 炒期就一定要止蝕, 唔好有僥倖心態, 今次唔止蝕, 咁岩佢反彈俾你過到關, 唔代表下次都可以, 十次唔止蝕, 一次都可以輸死你, 一棍插200點你仲唔死...輸都唔係大問題, 下次SET番止蝕咪得...但下次又走去推止蝕...又死得...如是者就輸左信心了...

結果開頭果個月只係平手...2萬蚊試過炒到上10萬, 但又輸番到2萬, 究竟咩事呢??? 又靜思了一排, 諗通了...原來我交易得太密, 係又TRADE唔係又TRADE, 一個浪食得20點, 止蝕就50點....平均一日食得10-20點, ...

通了, 想通了, 某個星期一早上, 我改變了我的系統, 改變我的心態...就係"忍"...等機會...等等等...
(就以上星期五為例子, 我等...開市時先高開, 因為期結關係, 好友抽高就一定會比淡友拉落去的, 我在9:10沽20780, 之後SET 50點食, 跟住就一路等...到11:40見日本急升, 就20700買, 食40點唔過市, 下午返來以為會再升, 但又唔係喎, 又插番100點, 好...再等...見美期同上A都跌跌地, 就跟佢20675沽, 等等等....2:45連DAX期都跌...再等等等, 3點一開波歐資就沽低港女200點, 食...美期彈...再跟, 再食50點...結果全日食左360點...)

比著以前的我, 可能唔會食到360點, 因為我會係又做唔係又做, 食20點一單, 止蝕40點又一單....我已經識得保本, 要"忍", "寧錯過勿做錯"

時間一路路過去, 經驗慢慢多了, 到了今年已經有300多萬元, 明白到財不入急門, 來得易去得易...錢係慢慢積累的, 保本最重要...我唔輸得, 1 蚊就係1蚊, 無得話可以從頭來過, 我無本錢(時間), 可能人大了就有這種諗法, 唔怪得人地話結婚之後人就會轉運...

以下係我經驗既心得:

1.只做DAY TRADE, 不過夜

2.要忍, 控制自己下單的衝動, 等機會...

3.要有止賺止蝕, 唔止蝕或推止蝕既只有死路一條, 唔止賺既錯過了回頭已大遲

4.每日開市前要睇下之前DJI同ADR既走勢, 睇下當日既新聞(蘋果同東方已經OK, 係睇財經新聞唔係睇貼士), 睇下EURUSD, AUDUSD, USDJPY同日經開市既走勢...

5.開市後只睇圖(HSI同HHI要一齊開住睇, 用5MINS圖)雖然我只炒HSI, 但如果上A有急升/跌時, HHI會快過HSI反應的, 如果唔同步就可能會有"伏"了)唔好開電視睇新聞或上網睇即時財經等, 因為你會好忙而分心, 同埋你唔會識得去分析, 好消息大戶可以跌, 反之亦然...同埋你所得到既消息永遠唔夠大戶快, 記住所有野圖表自會反映, 跟勢做就OK了

6.上午要開上A同日經圖, 下午2點後就DAX期同上A圖, 3點後就美期同DAX期圖

7.收市後要複盤, 用即日圖對下出/ 入市位, 信號是否正確, 檢討一下

我地所有野都比大戶慢, 包括消息, 人力同資源都唔夠大戶多, 唯一可以公平D既就係即市圖, 所以要好好善用....學睇形態, 睇成交....而輔助分析我只用macd...

有人會說我這種是賭博, 我承認, 投資市場本是一個賭博市場, 但如何可以增加成功率? 你要事前有準備, 事後有檢討, 其實相對我們做任何事也一樣…

那麼人生何來不也是一場賭博? 只不過是注碼不同… 我們用時間用感情用金錢來下注, 去賭我們的人生. 我們身邊所發生每一件事都是賭博, 賭博就是要我們先去付出, 去博一個我們不能預計的結果. 有準備的人成功率就會更大. 至於運氣問題只是失敗者的借口.

我在此分享只是想說, 請大家做好準備, 機會只俾有準備的人, 世界是不是公平, 運氣好不好這些我不理會, 7成勝算已夠我餘生了!